DIPARAN AT KASEBIAN KING PAMILYANG KAPAMPANGAN
(Proverbs and Wise Sayings)
1. Ing matas at mataluktuk masaldak ya pangabaldug.
2. Ing kabayung e keka paburen me keng lakad na.
3. Ing luksu ning indung kambing ing biseru anti mu rin.
4. Ing lalakad marapal, masuksuk yang malalam.
5. Ing pusang mepali na, king marimla man manginlag ya.
6. Mipandayu man puling, mayap ya ing makasiping.
7. Ing misakab keng buri na, tikdo yang alang parsala.
8. Kalakbangan, kamatayan.
9. Ing matudtud na mamangka, eno balung pamalita detang labasan nang sapa.
10. Ing taung mapibabata, akua ne ing sablang buri na.
11. Nung nokarin ing kababan, atiu karin ing kayapan.
12. King tau maka aninag makagiu ing sabing ditak.
13. Ing maka kabat a asbuk, lango man e mipalub.
14. Bayu ka manatsa, magsalamin ca pang kapsa.
15. Ing dapat a maki kabanalan
Nu man karin at kapilan man
Atin bakas nang malalakwan.
16. Ing larawan larawan ya
Pipi alang kimut
Dapot lubus makaligaya ya
King taung tune malsinta
17. Agiang maniaman ing sabo, paganan me ing sillo.
18. Makaba man ing prusisyun, angga mu king pasbul mayul.
19. Ing batung dugang dugang, eya milulumutan.
20. Nung nukarin ing mababa, karin manatili ing basa.
21. Mapait ya man ing apalia, sustancia ya karing bisa.
22. Ing pusa manganak yang kuting, panga ragul na pusa ya pa rin.
23. Alang mayumu sakdal yumu, a e sumlam kapilan man.
24. Alang maslam a aslam, a e katubasan.
8jkum <
25. E balang kikinang gintu.
26. E balang megaral matalinu.
E balang e magaral bobu.
27. Mabalu ya ing makalulan
King singo ning depukanan.
28. Nu ya man katibe ing piling abaka
Ala yang puersa nung dili-dili ya.
29. Ing sitsit matni king kulait.
30. Ing obra piyata yata
Ing kararasan na ala.
31. Perlas mebaldug king burak
Pilit ya ring lunto’t tindag.
32. Mayap yang kalulung marangal
King makualtang pikakasaman.
33. Kabuklat na ning abak
Ing grasya laganap.
34. Keng asbuk me asilu ing asan.
35. Ing masakit kuanan, manyaman yang kanan.
36. Baintaung parangalan
Nung lumakad ya king dalan
Sangkan ne mong gagaukan
Ing bulsa nang alang laman.
37. Ing tapat a kaluguran, Migit ya pa king kayamanan.
38. Ala yang delanan ing kuran a e miyulingan.
39. Ing binie e inawad
Eka mikakunung tanggap.
40. Ing minunang migpalpatuk
Ya pin ing minatut.
41 Masala man ing panaun mayap ca rin magdalang payung.
42 Mayap ne ing sicolung tambing qng susulapo binting.
(binting=25 centavos; sicolu=6 centavos)
43. Bayu ing pangaburi muna pa mu ing pamanyuri.
___________________________________
Manlapaz, Adoracion M., “Diparan at Kasebian king Pamilyang Kapampangan”, Magalang Historical and Cultural Heritage, Unpublished Manuscript.
(Proverbs and Wise Sayings)
1. Ing matas at mataluktuk masaldak ya pangabaldug.
2. Ing kabayung e keka paburen me keng lakad na.
3. Ing luksu ning indung kambing ing biseru anti mu rin.
4. Ing lalakad marapal, masuksuk yang malalam.
5. Ing pusang mepali na, king marimla man manginlag ya.
6. Mipandayu man puling, mayap ya ing makasiping.
7. Ing misakab keng buri na, tikdo yang alang parsala.
8. Kalakbangan, kamatayan.
9. Ing matudtud na mamangka, eno balung pamalita detang labasan nang sapa.
10. Ing taung mapibabata, akua ne ing sablang buri na.
11. Nung nokarin ing kababan, atiu karin ing kayapan.
12. King tau maka aninag makagiu ing sabing ditak.
13. Ing maka kabat a asbuk, lango man e mipalub.
14. Bayu ka manatsa, magsalamin ca pang kapsa.
15. Ing dapat a maki kabanalan
Nu man karin at kapilan man
Atin bakas nang malalakwan.
16. Ing larawan larawan ya
Pipi alang kimut
Dapot lubus makaligaya ya
King taung tune malsinta
17. Agiang maniaman ing sabo, paganan me ing sillo.
18. Makaba man ing prusisyun, angga mu king pasbul mayul.
19. Ing batung dugang dugang, eya milulumutan.
20. Nung nukarin ing mababa, karin manatili ing basa.
21. Mapait ya man ing apalia, sustancia ya karing bisa.
22. Ing pusa manganak yang kuting, panga ragul na pusa ya pa rin.
23. Alang mayumu sakdal yumu, a e sumlam kapilan man.
24. Alang maslam a aslam, a e katubasan.
8jkum <
25. E balang kikinang gintu.
26. E balang megaral matalinu.
E balang e magaral bobu.
27. Mabalu ya ing makalulan
King singo ning depukanan.
28. Nu ya man katibe ing piling abaka
Ala yang puersa nung dili-dili ya.
29. Ing sitsit matni king kulait.
30. Ing obra piyata yata
Ing kararasan na ala.
31. Perlas mebaldug king burak
Pilit ya ring lunto’t tindag.
32. Mayap yang kalulung marangal
King makualtang pikakasaman.
33. Kabuklat na ning abak
Ing grasya laganap.
34. Keng asbuk me asilu ing asan.
35. Ing masakit kuanan, manyaman yang kanan.
36. Baintaung parangalan
Nung lumakad ya king dalan
Sangkan ne mong gagaukan
Ing bulsa nang alang laman.
37. Ing tapat a kaluguran, Migit ya pa king kayamanan.
38. Ala yang delanan ing kuran a e miyulingan.
39. Ing binie e inawad
Eka mikakunung tanggap.
40. Ing minunang migpalpatuk
Ya pin ing minatut.
41 Masala man ing panaun mayap ca rin magdalang payung.
42 Mayap ne ing sicolung tambing qng susulapo binting.
(binting=25 centavos; sicolu=6 centavos)
43. Bayu ing pangaburi muna pa mu ing pamanyuri.
___________________________________
Manlapaz, Adoracion M., “Diparan at Kasebian king Pamilyang Kapampangan”, Magalang Historical and Cultural Heritage, Unpublished Manuscript.