POEMS (Kapampangan and English)...by MAGALENOS
SERAFIN D. LACSON
DALAGA
Timan:
King pusung magayut timan ning dalaga
Gigising king isip, pasibul ligaya,
Makayamang waga na ning pamiyaga,
Ing marimlang diwa yambi na king baya.
Lua:
Matibe kalasag, malaguang paniambut
ing lua ning dalaga king pusung malambut,
King lunus ning tau nung ya nang mamaus
Busal ning panamdam agad malalaus.
Awad:
Dinan mukung timan nung mete ku diwa
Ing kule ning yatu ban miuman sagiwa,
Nung masisilab ku king api naning mua
Aplakan mu sana king kapatak mung lua!
PINANARI - Abril 15, 1940
PARANGAL
King aldo kebaitan ning Rev. P. Quirino Canilao
Kawal nang Bathala
King yatu ding banal misapuak kang tula
Ban dinan mong sala
Ding taung alang Dios mabibie mistula.
Tune kabanalan
A keka likuan nang Jesucristo tang nuan
Dinan ming dangalan
Bamung a ganap ing ligaya't kanuanan.
Ing lamak ming lubus
King aldo mung beitan makalma't matutus
Lugud keng tibubus
King Mayupayang Dios at Apulung Utus.
Banal, luid ka sana!
Ban midiwa kapa tigtigan lang Lira,
Ing sabing a mana
Pakalingkingan king dalit Panday Pira.
PINANARI - Mayo 1, 1940
Timan:
King pusung magayut timan ning dalaga
Gigising king isip, pasibul ligaya,
Makayamang waga na ning pamiyaga,
Ing marimlang diwa yambi na king baya.
Lua:
Matibe kalasag, malaguang paniambut
ing lua ning dalaga king pusung malambut,
King lunus ning tau nung ya nang mamaus
Busal ning panamdam agad malalaus.
Awad:
Dinan mukung timan nung mete ku diwa
Ing kule ning yatu ban miuman sagiwa,
Nung masisilab ku king api naning mua
Aplakan mu sana king kapatak mung lua!
PINANARI - Abril 15, 1940
PARANGAL
King aldo kebaitan ning Rev. P. Quirino Canilao
Kawal nang Bathala
King yatu ding banal misapuak kang tula
Ban dinan mong sala
Ding taung alang Dios mabibie mistula.
Tune kabanalan
A keka likuan nang Jesucristo tang nuan
Dinan ming dangalan
Bamung a ganap ing ligaya't kanuanan.
Ing lamak ming lubus
King aldo mung beitan makalma't matutus
Lugud keng tibubus
King Mayupayang Dios at Apulung Utus.
Banal, luid ka sana!
Ban midiwa kapa tigtigan lang Lira,
Ing sabing a mana
Pakalingkingan king dalit Panday Pira.
PINANARI - Mayo 1, 1940
DEMOCRITO P. TAYAG
AWAD
Qng aldo mung beitan.
Dalung nang maglunus ning cacung caladua
Qng siduan mung pusu manintun ligaya,
Ing tula qng bie cung daraya qng dusa
Alilan mung timan - ibuclat meng banua.
Maniawad cu keca qng awad ning banal
Ing cacung panata pamalsintang sacdal,
Lugud mu qng bie cu matindag neng aral
Ning pusung mamaus qng mayap mung asal.
Dinan mucu sana at keca yang ibie
Ing aduan nang limus ning maglunus cung bie,
Isinup ke busal ning banal a pake
At gawan vendetta qng canacung bangke.
Nung lasun qng lub mu ing aduan cu keca
Ala cung sicanan ban pilitan daca-
Mibata cung kikiac angga qng wacas na
Ning kecang caymutan qng cacung inawa...!
Dapot ing lugud cu keca e cumupas
Anga qng aun ning daratang pang bucas,
Qng ubud ning pusu malacuan ing bacas
Ning catapatan ning pamalsintang wagas.
Lalon da na ca mu - cabang mabibye cu
Nung iti ya na mu ing tauling daptan cu,
E balang lumipas panaun qng bie cu
Nung acakit daca atin cu pang yatu.
Magalang, Pampanga
Marzo 9, 1940
PINANARI - Marso 20, 1940
Qng aldo mung beitan.
Dalung nang maglunus ning cacung caladua
Qng siduan mung pusu manintun ligaya,
Ing tula qng bie cung daraya qng dusa
Alilan mung timan - ibuclat meng banua.
Maniawad cu keca qng awad ning banal
Ing cacung panata pamalsintang sacdal,
Lugud mu qng bie cu matindag neng aral
Ning pusung mamaus qng mayap mung asal.
Dinan mucu sana at keca yang ibie
Ing aduan nang limus ning maglunus cung bie,
Isinup ke busal ning banal a pake
At gawan vendetta qng canacung bangke.
Nung lasun qng lub mu ing aduan cu keca
Ala cung sicanan ban pilitan daca-
Mibata cung kikiac angga qng wacas na
Ning kecang caymutan qng cacung inawa...!
Dapot ing lugud cu keca e cumupas
Anga qng aun ning daratang pang bucas,
Qng ubud ning pusu malacuan ing bacas
Ning catapatan ning pamalsintang wagas.
Lalon da na ca mu - cabang mabibye cu
Nung iti ya na mu ing tauling daptan cu,
E balang lumipas panaun qng bie cu
Nung acakit daca atin cu pang yatu.
Magalang, Pampanga
Marzo 9, 1940
PINANARI - Marso 20, 1940
AMADO TAP. DIZON
PAMAGTAPAT
Cang Angeling
E cu sana sabyan keca ing tapat cung capalsintan
Uling tatacut cung kecang piragli mung pagcamalian,
Inya kening cacung pusu kitcut cu qng calihiman
Kilub na ning panau'na ning milisyang capanualan.
Tatacut cung nung mimua ca ing kecatang pamilapit
Ibaldug mu qng aun na ning calma cung magcasakit,
Dapot keting pibata cu caring dacal a penandit
Ining pusung malilinglang tatangis yang maginakit.
Mesala cu panimanman at canacung apibule
Qng sariling ligaya cu acu mismung macamate,
Inya aduan cu sa keca, nung ing lugud cung dalise
E mu dinan capansingan, ibilang muna cung mete.
Milalu ca cayanacan! Yang metung pang genaca cu,
Dapot ining cacung pusu mabilug yang binihag mu,
Canyang kecang cabayangnan carin cu lalung kinau
Uling iti yang waga na ning malinis mu pang yatu.
Bisa cung mye maligaya at mica malagung bucas
Inya ing capicacunuan sepula cung micacamas,
Inya nung paniwalan mu ing lugud cu't sintang wagas
Alang sala kening bie cu ligaya cu anggang wacas.
T.N.T., Magalang, Pampanga
PINANARI - Abril 15, 1940
Cang Angeling
E cu sana sabyan keca ing tapat cung capalsintan
Uling tatacut cung kecang piragli mung pagcamalian,
Inya kening cacung pusu kitcut cu qng calihiman
Kilub na ning panau'na ning milisyang capanualan.
Tatacut cung nung mimua ca ing kecatang pamilapit
Ibaldug mu qng aun na ning calma cung magcasakit,
Dapot keting pibata cu caring dacal a penandit
Ining pusung malilinglang tatangis yang maginakit.
Mesala cu panimanman at canacung apibule
Qng sariling ligaya cu acu mismung macamate,
Inya aduan cu sa keca, nung ing lugud cung dalise
E mu dinan capansingan, ibilang muna cung mete.
Milalu ca cayanacan! Yang metung pang genaca cu,
Dapot ining cacung pusu mabilug yang binihag mu,
Canyang kecang cabayangnan carin cu lalung kinau
Uling iti yang waga na ning malinis mu pang yatu.
Bisa cung mye maligaya at mica malagung bucas
Inya ing capicacunuan sepula cung micacamas,
Inya nung paniwalan mu ing lugud cu't sintang wagas
Alang sala kening bie cu ligaya cu anggang wacas.
T.N.T., Magalang, Pampanga
PINANARI - Abril 15, 1940
AMADO D. MENDOZA
BALU CU
balu cung balu mu inya bisa cung mye
uling ating tula qng yatu ring mabye,
nung atin mang lungcut at luang sasagese
caybat ing salisi ligayang macule;
uling ing maralas pilatan ning lumbe
cabud na misapuac ing gintung tagumpe,
inya qng cayaryan ding taung miwale
tatacut cung lungub, - tatacut cung mate.
dapot kening bye cu, qng bye cung malungcut,
e pa mirin sepu ing at dusang bibecut,
ing caplas ning sakit lacuas pang mangutcut
lalam na ning pusung maybug nang maruut;
balu cu caniting cabyayan cung gutgut
ing macapasari ing pusu mung maymut
uling ing pakibat a canacung imbut
qng silim ning calma carin mu selicut.
balu cung matutus agyang macanyan cu
lalcas pa ing tula busal ning pusu mu,
balu cung nanu man ing miras canacu
qng bye mung daralan e mu cu sicasu;
baket balu cu nang magmatas ca cacu
palsintan daca rin qng sintang masolu-
ing cacung dalangin lacuas pang yuyubu,
at ing pacamal cu lalu pang babanglu . . . !
balu cung balu mu, kecatang cabaluan,
ing caplas ning lugmang canacung cacamtan,
lubas qng ligaya ing cacung cabyayan,
maputla la cule aldo cung panayan;
dapot balu cu mang atin cang ketasan
lacuas titibe ing casalpantayanan
caring aldo bucas ing cacung tagimpan
cayabe nang sunlag ning masalang bulan.
sabado de gloria
magalang, capampangan
balu cung balu mu inya bisa cung mye
uling ating tula qng yatu ring mabye,
nung atin mang lungcut at luang sasagese
caybat ing salisi ligayang macule;
uling ing maralas pilatan ning lumbe
cabud na misapuac ing gintung tagumpe,
inya qng cayaryan ding taung miwale
tatacut cung lungub, - tatacut cung mate.
dapot kening bye cu, qng bye cung malungcut,
e pa mirin sepu ing at dusang bibecut,
ing caplas ning sakit lacuas pang mangutcut
lalam na ning pusung maybug nang maruut;
balu cu caniting cabyayan cung gutgut
ing macapasari ing pusu mung maymut
uling ing pakibat a canacung imbut
qng silim ning calma carin mu selicut.
balu cung matutus agyang macanyan cu
lalcas pa ing tula busal ning pusu mu,
balu cung nanu man ing miras canacu
qng bye mung daralan e mu cu sicasu;
baket balu cu nang magmatas ca cacu
palsintan daca rin qng sintang masolu-
ing cacung dalangin lacuas pang yuyubu,
at ing pacamal cu lalu pang babanglu . . . !
balu cung balu mu, kecatang cabaluan,
ing caplas ning lugmang canacung cacamtan,
lubas qng ligaya ing cacung cabyayan,
maputla la cule aldo cung panayan;
dapot balu cu mang atin cang ketasan
lacuas titibe ing casalpantayanan
caring aldo bucas ing cacung tagimpan
cayabe nang sunlag ning masalang bulan.
sabado de gloria
magalang, capampangan
QNG ALDO MUNG QUEBAITAN TUNING
A labi nang adua ning bulan a mimiral
Tuning: Begut na ning amiam
Mabanglu't malambing;
dalit da ding ayup
marle at matarling;
Aslag dang masilang
matindag a batuin
Aldo mung quebaitan
pawa rang niningning.
Banglu ding rosas,
jasmin at magnolia
banglung cabas alia
sasalimuyac da,
maningning quislap na
mutiya ning alaya,
anting durucu la
quing "Fiesta" mung maula.
Masamiu nang timan
Niang cayaldawan,
A quesapuacan mung
Mipnung caligayan,
Pecagalang cu yang
Antimong sasamban
Ya mung aparangal
Aldo mung beitan.
Ania e malyaring
acu magpabaya
Queting aldo iting
a mipnu qng saya
bista't man musmus mu
damutan mu sana
ing dulut cung yangpang
bulaclac ning tula.
Lirio't sampaguitas
ila sang buri cung
qng batal isabit
a ibie sa rugu,
dapot neng cucupas
masamiu rang banglu,
Ania eco ibie
aliuang yain cu.
Tula, ligaya ngan
yang queca cu yampang,
at yauad qng banua
luid: bie mung marangal;
at nuan cang matula
babo ning candungan
nung nu manatili
sablang caligayan
at iti sang nais
queca datilingan.
From S.B.Lacson
To Miss Antonina Lising
Mabanglu't malambing;
dalit da ding ayup
marle at matarling;
Aslag dang masilang
matindag a batuin
Aldo mung quebaitan
pawa rang niningning.
Banglu ding rosas,
jasmin at magnolia
banglung cabas alia
sasalimuyac da,
maningning quislap na
mutiya ning alaya,
anting durucu la
quing "Fiesta" mung maula.
Masamiu nang timan
Niang cayaldawan,
A quesapuacan mung
Mipnung caligayan,
Pecagalang cu yang
Antimong sasamban
Ya mung aparangal
Aldo mung beitan.
Ania e malyaring
acu magpabaya
Queting aldo iting
a mipnu qng saya
bista't man musmus mu
damutan mu sana
ing dulut cung yangpang
bulaclac ning tula.
Lirio't sampaguitas
ila sang buri cung
qng batal isabit
a ibie sa rugu,
dapot neng cucupas
masamiu rang banglu,
Ania eco ibie
aliuang yain cu.
Tula, ligaya ngan
yang queca cu yampang,
at yauad qng banua
luid: bie mung marangal;
at nuan cang matula
babo ning candungan
nung nu manatili
sablang caligayan
at iti sang nais
queca datilingan.
From S.B.Lacson
To Miss Antonina Lising
OSCAR M. BALAJADIA (PAPA OSMUBAL) was born in Magalang, Pampanga and studied at Holy Angel University on full scholarship.
MA in English at the University of Macau where he received a rating of "excellent" upon graduation.
Studied Associate in Philosophy at Christ the King Mission Seminary (SVD) and came first to Macau as Catholic lay missionary.
He now works at Hou Kong Middle School in Macau.
MA in English at the University of Macau where he received a rating of "excellent" upon graduation.
Studied Associate in Philosophy at Christ the King Mission Seminary (SVD) and came first to Macau as Catholic lay missionary.
He now works at Hou Kong Middle School in Macau.